Upadi lei Bawmhnak pawl
|
Chungkhar hna nih zeibantuk konglam ca paoh ah upadi lei bawmhnak hmuh an herh caan a um kho. Indiana chung zatlangbu kip ah upadi lei bawmhnak cu a phunphun in hmuh khawh asi. Chungkhar hna cu a um ciami bawmhnak pawl zoh awkah le an herhmi he aa tlak bikmi bawmchan kho tu kawl awkah thazaang pek an si. Konglam aa dang mi nih bawmchantu dangdang sin i bawmhnak a herh kho men. Chungkhar hna cu bawmchantu hna sin in zeibantuk rianṭuanpiaknak hmanh cohlan hlan ah a bawmchantu hna ding nih an herhmi cu a tlamtlin ter kho lai maw ti hngalh awkah biahalnak tuah dingin thazaang pek an si.
Indiana Upadi lei Rianṭuanpiaknak pawlIndiana Upadi lei Rianṭuanpiaknak (Indiana Legal Services - ILS) cu thlahlawh rikhiahnak an tuahmi chung ah a ummi Hoosier chungkhar pawl caah man loin mipi upadi lei bawmhnak a petu a miak ei lomi upadi zung an si. ILS nih rawl, umnak, thlahlawh, sii lei zohkhenhnak asiloah pumpak himnak tibantuk abiapi mi pawl ngeih khawhnak a khammi upadi lei buaibainak a tongmi hna kha a bawmh hna. An website ah na umnak pawngkam i upadi lei bawmhnak hmuh khawhnak ding caah kawl khawhnak cazin aa tel: http://www.indianalegalservices.org/
Mipem pawl i Nuhrin covo le Holh lei bawmhnak Center (The Immigrants' and Language Rights Center)Mipem pawl i Nuhrin covo le Holh lei bawmhnak Center nih an holh le nunphung an i dan ruangah upadi lei bawmhnak hmuhnak ah harnak a tong mi Indiana ah a um mipem le LEP (Mirang holh a thiamlo mi) pawl kha a bawmh hna. Cu mi hna nih cun adang upadi lei rianṭuanpiaknak a herhmi minung pawl he aa khatlo mi upadi lei buaibainak pawl zong an ngei kho men. ILRC nih hi phu pawl sin phanh khawhnak ding le upadi lei rianṭuannak ṭha pek khawhnak ding caah lam phunphun hmangin rianṭuannak ah dawnkhantu thil pawl zorter awknak rian a ṭuan. Nikhat ni in Nili ni tiang 10am in 2pm EST tiang 1-844-243-8570 ah chawnh khawh an si, asiloah pektlaihnak ca cu online i https://www.indianalegalservices.org/applyonline/ ah kuat khawh asi.
Indiana Tlamtlinlonak a ngeimi pawl i Nuhrin covo (Indiana Disability Rights)Indiana Tlamtlinlonak a ngeimi pawl i Nuhrin covo (IDR) cu congress nih nawl a pekmi, phungning tein dirhmi tlamtlinlonak a ngeimi pawl i nuhrin covo kilvennak caah dirhmi bu asi. IDR nih hin abiapi bik ah a chiahmi phunglam cung ah hram bunh in tlamtlinlonak a ngei mi hna caah federal le state upadi vialte tangah upadi lei in aiawhtu le a dang dirkamhnak lei rianṭuanpiaknak pek khawhnak nawl a ngei. Na innchungkhar nih pum tlamtlinlonak he aa pehtlaimi upadi asiloah rammi nihrin covo kong ah buainak an ton ah cun IDR nih lamhmuhsaknak an pek khawh hna, cun a caan ahcun, direct in bawmhnak an pek khawh hna. Mah ka ah hin tamdeuh in hmuh khawh asi https://www.in.gov/idr asiloah IDR cu 1-800-622-4845 ah chawnhnak thawng in.
Indiana Legal HelpIndiana Legal Help cu 2018 ah dirhmi a si i Indiana Bar Foundation program pakhat a si. Mah le mah bawmhnak thilri le thawngpang caah hmunpi a si. Chungkhar upadi, innlo, le ngandamnak zohkhenhnak telh in sualnak a si lomi kongkau ah man loin le man tlawm tein upadi bawmhnak he pehtlaihnak lam a pek hna. https://indianalegalhelp.org/
Biaceihnak Zung kong Hmunkhat ah Hmuh khawh dihnak Website (Coalition for Court Access Website)Indiana i Biaceihnak Zung kong Hmunkhat ah Hmuh khawh dihnak nih rammi upadi lei bawmhnak (civil legal aid) a kawlmi hna a bawmtu ding website pakhat a tuah. Rammi upadi lei bawmhnak nih chungkhar, inn, hmanmi, ngandamnak zohkhenhnak, ṭhathnemnak pawl, rianṭuannak le fimcawnnak lei rianṭuanpiaknak hna telh in sualnak tuahnak he aa pehtlai lomi thil a tongmi hna kha a bawmh hna. Mah website nih hin upadi lei bawmhnak hmuh awkah aa tlak lomi chungkhar hna caah bawmhnak hmuh khawhnak pawl le lamhmuhsaknak zong a pek chih hna. Website cu https://indianalegalhelp.org/ asi.
Indy Bar i Online in Sihni he Biaruah khawhnak (Virtual Ask A Lawyer)Indianapolis Bar Association nih Online in Sihni he Biaruah khawhnak program hmangin man loin upadi lei ruahnak cheuhnak an pek i cuka ahcun upadi lei biahalnak pawl let dingin timhcia tein a ummi sihni he bia nan i ruah kho. Online in chawnh khawhnak program on caan hna cu Nikhat ni in Ninga ni 9am in 4pm tiang asi. Hman khawhnak ding caah, https://www.indybar.org/?pg=LegalAdvice-HomePage ah zoh.
Online a hmang kho lo mi pawl nih 317-269-2222 ah Nikhat ni in Ninga ni 8:30am in 1pm tiang chawnhnak thawng in bawmhnak ngah khawh ṭhiam asi. Ability AlliesAbility Allies nih Section 504 Timhtuahnak pawl le Pumpak Fimcawnnak Timhtuahnak pawl telhchih in sapecial fimcawnnak lei ah man tlawmte asiloah man loin upadi lei ruahnak cheuhnak le aiawhnak pawl a pek. Thawngpang tamdeuh theihnak ding caah asilole bawmhnak zeitin sok ding ti theihnak ding caah https://www.abilityallies.org/ ah zoh asilole 317-426-7733 kha chawn.
Neighborhood Christian Legal ClinicIndiana i Biaceihnak Zung kong Hmunkhat ah Hmuh khawh dihnak nih rammi upadi lei bawmhnak (civil legal aid) a kawlmi hna a bawmtu ding website pakhat a tuah. Rammi upadi lei bawmhnak nih chungkhar, inn, hmanmi, ngandamnak zohkhenhnak, ṭhathnemnak pawl, rianṭuannak le fimcawnnak lei rianṭuanpiaknak hna telh in sualnak tuahnak he aa pehtlai lomi thil a tongmi hna kha a bawmh hna. Mah website nih hin upadi lei bawmhnak hmuh awkah aa tlak lomi chungkhar hna caah bawmhnak hmuh khawhnak pawl le lamhmuhsaknak zong a pek chih hna. Website cu https://indianalegalhelp.org/ asi.
|
print
|
Prokarem pawl le tuahto ning pawl cu atu le atu aa thleng. A hnubik thawngthanhmi na hman hrimhrim ding kha a biapi. Hi thil sining tialmi cu 2024 ah tharchuahmi a si. Zaangfahnak in https://www.inf2f.org/fact-sheets.html ah a hnubik tialmi kha chek. Ngandamnak lei Bawmhnak pawl le Riantuanpiaknak pawl Tawlrelnak (Health Resources and Services Administration, HRSA) sin in tangka bawmhnak hmangin a chumcheu bawmhmi a si.
