Zohkhenhtu sinak

Tharchuahmi: Nov 2022

Ngakchia pakhat cu kum 18 a tlin tikah, upa pakhat ah ruah a si cang i amah pumpak caah a tlingmi tuanvo a ngeimi tiah ruah a si – riantuannak lei level zeibantuk a si
zong ah. Tangka lei, fimcawnnak lei, rian lei, asilole healthcare lei kongkau pawl ah bawmh a herhmi mino upa pawl caah, zohkhenhtu sinak lei cheukhat phun asilole adang thim khawhmi pawl kha tha tein zohfel a hau lai. Sihni nih a si khomi thim khawhmi pawl an pek khawh, asinain rikhiahmi a tlawmbik thim khawhmi caah tawlrelnak pawl tuah a hau lai.

A upa cangmi na fa nih a nunnak kip ah bawmhnak a herh lo ahcun zohkhenhtu sinak tling ngeih na herh lo ichinchiah kha a biapi. Rikhiahmi zohkhenhtu sinak he a tang i langhtermi phungphai pawl cu zohkhenhtu sinak na ngeihnak hmun pawl lawngah hman khawh a si.

Hi thim khawhmi pawl hi ralrin tein na tuaktaan cang i na fa i amah tein rian a tuan khawh lo asilole bawmhnak a tlawmdeuhmi phun pawl he rian a tuan khawh lo ruangah na fa i a upat lei nunnak ah bawmh dingin zohkhenhtu sinak cu a thabikmi lam a si tiah biakhiahnak na tuah cang ahcun, tuanvo zeimawzat na ngei lai. Hi thilsining kong tialmi chung i a ummi pawl cu zohkhenhtu dirhmun in na rian na thawk lecaangka in tuaktaan dingah a biapimi pawl an si.

Zohkhenhtu sinak Ngah Ning

Zohkhenhtu sinak cu Indiana pine chung upadi lei tuahto ning pakhat a si i peng (county) sining holh in aa dang cio. Ngakchia i kum 18 chuahcam a tlin hlan i thla pawl ah zohkhenhtu sinak caah fal (filing) tuahnak caah minung pakhat nih timhtuahnak a thawk khawh, asinain ngakchia i kum 18 a chuahcam a phak hlan lo cu biaceih zung nih nithla khiah piaknak a tuah men lai lo.

Sihni hlang. Sihni kha zohkhenhtu sinak lei kongkau ahmu tawlrelnak ah hmuhtonnak a ngeimi a si hrimhrim lai. Kumkhua upa he aa pehtlaimi upadi asilole innchungkhar he aa pehtlaimi upadi a tawlrelmi sihni nih hi bantuk hmuhtonmi phun hi a ngei theo tawn.
Minung pakhat cu a ngandam lo ruangah thil a tuah kho lomi a si ahcun, Siibawi i Ripawt asilole pumpak nih tangka lei kongkau pawl a tawlrel khawh lonak asilole adang minung pumpak biachahnak a tuah khawhter lonak a fiantertu mah minung i siibawi sin in catialmi kha ngah.
Pumpaak i a sii lei, tangka umtuning lei, le adang lei kongkau pawl ah a thami hngalhnak ngei.
Zohkhenhtu sinak caah biaceih zung he nawlpatnak fal (file).
Fal (filing) tuahnak man tangka pe.
Thil a tuah kho lomi tiah puhmi nih nawlpat tuahmi ah a hnatlakpi, asilole pumtlinlonak ruangah hlathlainak tuahmi pawl kha bialehnak a tuah khawh lo ahcun, biaceih zung nih ahmu theihternak a tuah lai i cu ah cun nawlpatnak i sualpuhmi pawl bawmh dingah tehte pawl nih biakamhmi tangah tehte kha an pek lai.
Zohkhenhtu kha rianpek a si ahcun, biaceihtu nih zohkhenhtu kha upadi lei catialmi pawl a chuahpiak lai (“zohkhenhtu sinak i cakuat pawl” tiah auh a si tawn) i upadi ningin thil a tuah kho lomi minung aiawh in zohkhenhtu kha riantuanpiaknak nawl a ngei lai.

Zohkhenhtu Tuanvo pawl

Biaceih zung nih zohkhenhtu sin in thil zeimzawzat aa ruahchanmi a um, zohkhenhtu kha zohkhenhmi pumpak i a nulepa bak an si ko zong ah. Hi pawl ah hin zohkhenhmi minung le a thilri pawl aa tel. Kum hnih dan ah, zohkhenhtu nih zohkhenhmi minung i a tangka hmuhmi, thilri pawl le a tangka hmannak pawl fianternak kha biaceih zung he a fal (file) hrimhrim lai. A tanglei zong hi na tuah hrimhrim lai:

Zohkhenhmi minung i a thabikmi thathnemnak hmuh dingin tuah.
Zohkhenhtu i tangka sin in zohkhenhmi minung i tangka kha a dang tein chia.
Tangka, thilri le adang ngeihmi thilri cazin pawl kha tha tein chia.
Zohkhenhmi minung i tangka in thil pawl chawknak catlap pawl dihlak kha chia hna.
Tangka chiahmi le hmannak vialte a langhtertu tharchuahmi check minkhumhnak le/asilole cazin kha ichiah.
Zohkhenhmi minung i pumpaak thil pawl kha kilveng.
Zohkhenhmi minung nih a ngeihmi thilri zuar tikah, zohkhenhmi minung i tangka in a biapimi, tuahbal thenglomi cawknak tuah hlan le an umnak khua in zohkhenhmi minung hmundang i thialkaam hlan ah baiceih zung sin in nawlpeknak la.
A thami tangka hrambunhnak a tuahtu (le biaceih zung nih lamhmuhsak ning bantukin) bantukin zohkhenhmi minung thilri pawl kha kilveng law/asilole tangka hrambunhnak tuah
Zohkhenhmi minung caah tangka asilole adang thilri pakhat hmuhmi kha zohkhenhmi minung i a khaan le umnak, sii lei zohkhenhnak, pumpaak ca herhbaumi pawl, cawnnak, fimcawnnak le amah caah adang riantuanpiaknak pawl caah hman hrimhrim ding an si.
Hi tuah dingmi pawl tlam na tlinh lo ahcun, daithlannak, zumhlonak le hlennak caah zohkhenhmi minung sin ah tuanvo na ngei kho men.

Zohkhenhtu Zalonnak pawl le Nawlngeihnak pawl

Zohkhenhtu pawl nih zohkhenhtu sinak i tuanvo pawl kha tawlrel dingah zalonnak tampi an ngei, biakhiahnak kip kha hi biahalnak hmangin hneksak a si paoh ahcun, “Hihi ka zohkhenhmi minung caah a thabikmi amiak a si maw?” Mah biahalnak kha “a si” tiah leh a si paoh ahcun, a tang i langhtermi pawl ning in na tuanvo pawl tawlrel dingah za a longmi na si.

Na tawlrel khawh i a zatawk ret in zohkhenhnak petu pawl kha tangka na pek khawh hna.
Zohkhenhmi minung pumpaak sin (thil a ti khomi a si ahcun) ah le/asilole midang sin ah cheukhat rian pawl cu tuanvo na pek khawh.
Sii lei thlopnak caah hnatlakpinak na tuah khawh i minung caah sii thlopnak lei biakhiahnak pawl na tuah khawh.
Minung kha Indiana chung asilole aleng i adang inn ah na thial khawh.
Minung caah mibu, sii lei, fimcawnnak lei le thlopnak lei riantuanpiaknak pawl na tawlrel khawh.
Minung caah acozah lei bawmhnak pawl (SSI, Medicaid le Medicare tibantuk) kha na sok khawh.
Minung i a herhmi pawl caah hnatlaknak tuahmi pawl chungah na lut kho i minung caah tangka le adang thilri na ngah khawh – minung i herhmi pawl caah hman a si paoh ahcun.
Leibatnak ah nangmah pumpaak naa tel ve lo paoh ahcun zohkhenhmi minung i leiba pawl kha na pek a hau lo.
Na caan caah liam dingmi pek khawh na si ko lai, asinain hihi tuah piak na hau lo. Biaceihzung nih liam dingmi kha a langhter hrimhrim lai, cucu a zatawk a si hrimhrim lai i zohkhenhtu nih hmanmi caan i a dikthlir in tialmi pawl, hmanmi caan kip caah nithla pawl le caan zeitindah hman a rak si timi kha aa chiah hrimhrim lai.

Zohkhenhtu sinak kongah thawngthanhmi tamdeuh hmuhnak caah, sihni kha biaruahnak ngei asilole Indiana Family to Family kha 1-844-323-4636 ah asilole ah pehtlaihnak tuah. The Arc of Indiana nih zohkhenhtu sinak lei thawngthanhmi hika ah a ngei http://www.arcind.org/future-planning/guardianship/#09.

Select language

Cahmai chuah

Programs and systems change often. It is important to ensure that you are using the most current information. Please check https://www.inf2f.org/fact-sheets.html for the most recent edition.

This fact sheet was supported by the Health Resources and Services Administration (HRSA) of the U.S. Department of Health and Human Services (HHS) as part of an award totaling $96,750 with 89% percent financed with nongovernmental sources. The contents are those of INF2F and do not necessarily represent the official views of, nor an endorsement, by HRSA, HHS, or the U.S. Government. For more information, please visit HRSA.gov.