Medicaid Waivers Indiana i Chungkhar Cozah Bawmhchanhnak (Family Supports Waiver) & Tlamtlinlonak a ngeimi hna caah Caan sau pi tiang Cozah bawmhchanhnak (Community Integration Habilitation Waivers)
Medicaid Waivers cu zeidah asi?Indiana nih Indiana i Tlamtlinlonak a ngeimi Upa le ngakchia Rianṭuanpiaknak (Indiana Division of Disability Aging and Rehabilitative Services - DDARS) nih a tawlrel mi Inn le Zatlang lei Hrambunh in Rianṭuanpiaknak (Home and Community Based Services - HCBS) cozah bawmhnak program pali a ngeih: sii thlopnak lei cozah bawmhchanhnak (kan fact sheet kha zoh Medicaid Waivers: H&W le TBI) cun pumpak thluklei/pumsa ṭhanchonak lei tlamtlinlonak (I/DD) a ngeimi pawl cozah bawmhnak pahnih - Chungkhar Cozah Bawmhchanhnak (Family Supports Waiver - FSW) le Community Integration & Habilitation (CIH) Waiver hna an si.
Hi Medicaid program hna nih hin tlamtlinlonak a ngeimi ngakchia le upa hna nih lenglei cozah hmunhma pawl ah silo in an inn le zatlang cio ah bawmhnak le rianṭuanpiaknak an hmuh khawhnak ding caah federal le state tangka an pek hna. Ngakchia nih cozah bawmhnak (waiver) phunkhat nak tam in a sok khawh i a tlinh khawh, asinain voikhat ah cozah bawmhnak program phun khat lawng nih a bawmh khawh. I Tlaknak cu zeitindah Biakhiah a si?FSW asiloah CIH Waiver hmuh khawhnak ding caah, mi pakhat cu kum 22 hlan ah I/DD asiloah mah he aa pehtlaimi zawtnak a ngei mi asi a hau (cun a chan chung tiang a nguh la tiah ruahmi) cun fimcawnnak lei tlamtlinlonak a ngeimi hna caah Caan sau Zohkhenhnak Peknak Hmun (Intermediate Care Facility - ICF) ah luh khawhnak ding caah a herhmi zohkhenhnak rikhiahnak zong a tlinh a hau, cucu ICFID/Zohkhenhnak herhmi Level (Level of Care) tiah theih a si. Hi Zohkhenhnak herhmi Level (Level of Care) timi cu mi pakhat nih nunnak ah a biapi bikmi hmun paruk chung i a tlawmbik pathum ah tuahkhawhnak lei rikhiahnak a ngei tinak asi, cu hna cu: mah le mah i zohkhenhnak, cawnnak, mah le mah lamhruainak, mah tein nun khawhnak, holh hngalhthiamnak le hman khawhnak, cun kal khawhnak hna an si.
Tlamtlinlonak a ngeimi ca Rianṭuanpiaknak (The Bureau of Disabilities Services - BDS) Pengkulh Zung nih State nih a fiantermi ningin soktu nih aa tlakmi DD zawtnak a ngeih le ngeih lo hngalh khawhnak ding caah Zawtnak Hmuhmi Fehternak (Confirmation of Diagnosis - COD) form kha a hman. A ngeih asi ahcun, pengkulh zung nih FSW le CIH cozah bawmhnak caah aa tlak le tlaklo biakhiahnak ding caah Zohkhenhnak herhmi Level Checknak (Level of Care Screening Instrument) cu a tuah. COD, Zawtnak Chekhlainak (Screening Instrument) sin in lakmi thawngpang, cun soknak ah aa telmi a dang bawmtu ca (hi ah IEP, tbk. aa tel kho) hna cu aa tlak le tlaklo biakhiahnak tuahnak ah aa telmi an si dih. BDS nih a herh ahcun, a soktu kha cheknak i aa tuah ding in a hal khawh fawn. CIH waiver cu herhbaunak cung ah hram bunh in pekmi asi. Pumpak pakhat nih a cunglei ah langhtermi rikhiahnak a herhmi pawl le a biapi ah chiahmi thil i a tlawmbik pakhat tel a tlinh a hau. Tahchunhnak cheukhat ah aa telmi hna cu: zohkhenhtu dang a um lo tikah a bik in zohkhenhnak a petu thihnak asiloah tarnak, Fimcawnnak lei Zung nih chiahmi hmun, Ngakchia Rianṭuanpiaknak Zung nih umnak ding ah chiahnak hmun asiloah Zohkhenhtu pawl he a Bu in Um ṭinak (Supervised Group Living) hmun in chuahnak, asiloah ngandamnak le himnak caah ṭihnung a simi dirhmun hna an si. Cozah bawmhnak (waiver) a sokmi kum 18 tang ngakchia i Medicaid hmuh khawhnak biakhiahnak cu ngakchia nih a hmuhmi thlahlawh/ngeihchiah cungah lawng ah hngatchan in tuah asi (nulepa/innchungkhar hmuhmi thlahlawh asiloah ngeihchiah zat cung ah ASILO). Cozah bawmhnak (waiver) rianṭuanpiaknak pawl thok khawh asi hlan ah ngakchia cu Medicaid caah cohlan cia mi asi a hau. Zeitindah Sok ding Asi lai:FSW le CIH Waiver telh chih in BDS rianṭuanpiaknak pawl soknak cu BDS Gateway: https://bddsgateway.fssa.in.gov/ hmang in online in phit le kuat khawh asi. Catlap in soknak ding zong ah aa khatmi konglam pawl hal asi i hi link https://www.in.gov/fssa/ddars/bds/medicaid-hcbs-waivers/ hi hmang in download le ca chuah khawh asi. BDS Pengtlang Zung pawl sin ah hal ah cun soknak ca an in pek khawh. Umnak Pengtlang Zung konglam le pehtlainak ding pawl cu hi ka ah hin hmuh khawh an si: https://www.in.gov/fssa/ddars/bds/bureau-of-developmental-disabilities-services/ asiloah 1-800-545-7763 ah chawnhnak thawng in.
CIH Waiver sok tikah, nawlnak tuahmi cu CIH waiver caah a si ti kha langhter a biapi. CIH Herhbaunak cung ah Hngatchanmi Nawlnak (CIH Needs Based Access Request) form cu hi thil kal ning ah a herhmi asi caah BDS nih a pek. CIH waiver ngahnak ding caah rikhiahnak pawl le herhbaunak pawl a tlinhmi minung caah, bawmhnak pek khawh mi minung zat rikhiahmi chung ah a lawnnak hmun a um a hau, cun adang thim khawhmi rianṭuanpiaknak thimnak pawl cu aa tlaklo asiloah a umlo tiah BDS nih biakhiahnak a tuah a hau. Caan karlak ca hmu ding in i Tlaaknak (Provisional Eligibility):Mi pakhat nih cozah lei sin i bawmhnak (waiver) soknak a tuah i aa tlakmi ah ruah asi hnu ah, amah cu bawmhnak hngahnak cazin ah khumh asi asiloah “caan karlak ca hmu ding in aa tlakmi” tiah ruah asi. A soktu hna nih rianṭuanpiaknak hmuh ding in soknak an tuah khawh i kum zeizat an si hmanh ah FSW tang i a hngakmi cazin ah khumh an si lai.
FSW nih atu lio ah sokmi ni cung ah hram bunh in hngahnak cazin ah khumh in an tawlrel; chungkhar hna cu ngakchia kum zeizat a si hmanh ah, cozah lei bawmhnak (waiver) a herh lai tiah an lunghrinh bak in cozah bawmhnak caah sok dingin thazaang pek an si. FSW ah soknak le sawmnak karlak caan a zorter khomi abiapi bikah chiahmi phun thum a um.
Hngahnak Cazin ah zeitindah um khawh asi?Phone nambar asiloah umnak hmun telh chih in pehtlaih khawhnak konglam hna cu atu ah hman lio mi an si awk asi. A dikmi pehtlaih khawhnak asi nak ding caah remh asilole fehter awkah BDS zung kha kum fatin pehtlaihnak tuah a ṭha bik. A dikmi thawngpang hngalh khawhnak ding caah BDS Waitlist Web Portal luh in zoh khawh asi. (https://www.in.gov/fssa/ddars/resources/individuals/bds-waitlist-portal/)
Zeibantuk Catlap pawl dah Fim asi lai?Nithla aa ṭialmi cozah bawmhnak (waiver) soknak ca le a dang record pawl asi mi a caan, nithla le min aa telmi BDS rianṭuantu hna he phone in biaruah mi i ṭialnak ca kawpi pawl kha fim hna. Cun, soknak ca cu pumpak in asiloah cakuatnak zung in kuat asi ahcun, soknak ca na kuatmi cohlannak (receipt) kha na hal khawh.
Khuazei ah dah thawngpang tam deuh hmuh khawh asi:
A dang Zatlang Bawmhchanhnak pawl:
|
print
|
Prokarem pawl le tuahto ning pawl cu atu le atu aa thleng. A hnubik thawngthanhmi na hman hrimhrim ding kha a biapi. Hi thil sining tialmi cu 2025 ah tharchuahmi a si. Zaangfahnak in https://www.inf2f.org/fact-sheets.html ah a hnubik tialmi kha chek. Ngandamnak lei Bawmhnak pawl le Riantuanpiaknak pawl Tawlrelnak (Health Resources and Services Administration, HRSA) sin in tangka bawmhnak hmangin a chumcheu bawmhmi a si.
