EIDIN

Tharchuahmi: Dec 2025

Eidin le Rawl lei Bawmhnak petu Indiana Program pawl

Hoosier Chungkhar hna nih an herhmi rawl ei tidin ding an hmuh khawhnak hnga bawmhchanh awkah program le rianṭuanpiaknak a phunphun an um. Chungkhar tampi nih program pakhat nak tam sin in ṭhathnemnak an hmuh. Zaangfahnak tein a tanglei thimnak hna hi ruat hna:

A dang Eidin Bawmhchanhnak Program (Supplemental Nutrition Assistance Program - SNAP)

Federal A dang Eidin Bawmhchanhnak Program (SNAP) chungtel pakhat a simi, Indiana Food Stamp Program cu thlahlawh a tlawmmi chungkhar hna nih a ṭhami eidin an ei khawhnak a kai deuh nak ding caah timhtuah mi asi. Cu nih cun thlahlawh a tlawmmi chungkhar hna nih Electronic Benefits Transfer (EBT) card hmangin a ṭha mi eidin cawk khawhnak a pek hna.

Ahodah Eidin Bawmhnak (Food Stamps) caah aa tlak?

Tlin khawhnak dingah, soktu hna nih tangka he aa pehtlaimi si lomi le tangka lei herhmi pahnih an tlinh a hau. Phaisa lei a si lomi a herhmi hna cu ramkulh umnak, rammi sinak/ramdang sinak, riantuannak min cazin, le IMPACT Program he riantuan ttinak hna an si. Phaisa lei tahfung ah tangka hmuhnak le thilri rikhiahnak aa tel. Innchungkhar tam deuh caah thilri/thilri rikhiahnak cu $5,000 a si. Thilri ah bank account, tangka, inn le lo, pumpak thilri, mawtaw, tbk aa tel. Innchungkhar inn le a pawngkam hmun, innchung thilri le pumpak thilri, le nunnak insurance policy hna cu SNAP caah thilri ah rel an si lo. SNAP hmuh khawhnak ding caah innchungkhar vialte (tar asiloah pum tlamtlinglo a ngeimi hna ti lo) nih tangka hmuhmi dihlak hneksaknak (federal sifahnak tlukruannak 130% tluk) an tei a hau.

Zeitindah Sok ding Asi lai:

SNAP soknak ding caah, na umnak peng chung i Chungkhar Bawmhchanhnak (Division of Family Resources) lei zung kha pehtlaihnak tuah hna. Innchungkhar chungtel min, umnak le minthut aa telmi soknak ca in na sok khawh. Soknak ca cu na umnak DFR zung ah kalpi khawh asi, cakuat zung in asiloah fax in kuat khawh asi. Online in hika ah na sok khawh fawn https://fssabenefits.in.gov/bp/#/

WIC (Nu, Nausem le Ngakchia)

WIC cu nu le ngakchia hna kum 5 an tlin tiang abiapi in an herhmi rawl, eidin kong cawnpiaknak, siibawi asilole adang bawmchantu sin kuatnak le nauhnuk dinhnak lei bawmhnak a petu eidin lei program a si. Indiana WIC program kong tlamtling le cun tlingtlaknak kong pawl telhchih mi cu hi ka ah hin aa tel.

WIC hmuh awkah ahodah Aa tlak?

WIC hmuh khawhnak ding caah innchungkhar pakhat ah nau a pawi liomi nu le/asiloah ngakchia kum nga tang, nauhnuk a dinmi nu (nau kum 1 tlin tiang), asiloah nauhnuk a dinh tilo mi nau ngeika nu (nau a chuah hnu thla 6 tiang asiloah naupawi caan a dih hnu) an i tel a hau. Aa telmi hna nih tangka thlahlawh hmuhmi rikhiahnak cu an tlinh a hau i “eidin a chanbau ding mi” dirhmun an si a hau. A chanbau dingmi dirhmun an sile silo cheknak ah hmanmi cuaithlainak le tahfung hna cu theihpinak lehhmat tuah lio ah ngandamnak lei fimthiam nih tuahmi ngandamnak le eidin lei chekhlainak cung ah hngatchan in biakhiah asi. Medicaid, Food Stamps, le TANF a hmumi chungkhar hna cu Indiana WIC Program caah thlahlawh hmuhmi rikhiahnak tuahmi ah aa tlakmi an si.

Zeitindah Sok Asi lai (WIC):

Soknak ding caah nangmah he aa neih biknak WIC siizung hmun ah caan lak (appointment) in tuah na herh lai. Nangmah he aa neih biknak siizung kawlnak ding caah 1-‪800-522-0874 kha chawn asiloah https://www.in.gov/health/wic/wic-clients/ ah zoh.

Emergency in Eidin Bawmhnak Program (TEFAP)

Emergency Eidin Bawmhnak Program (TEFAP) cu thlahlawh tlawmte a hmumi American pawl i an eidin a ṭhat khawh deuhnak ding caah emergency rawl le eidin man lo tein a pe tu federal program a si. TEFAP nih emergency eidin peknak bu nih phawtmi eidin pawl hlutnak le eidin lei bawmhchanhnak ah abiapi tukmi rian a ṭuan. TEFAP kong tamdeuh theihnak ding caah, The National Hunger Hotline cu chawn: 1-866-3-HUNGRY asilole 1-866-8-HAMBRE.

Ka Khua chung i Rawl le Eidin lei Bawmhnak cu khoika ah dah Ka Hmuh khawh lai?

Khuachung emergency rawl peknak bu hna ah aa telmi hna cu:

Eidin Phawtzamhnak (Food Pantries) - Thla hlawh a tlawmmi le rian ngeilo mi innchungkhar hna cu inn ah ei awk rawl phawtzamhnak.
Soup Kitchens le Adang Rawl peknak hmunhma pawl - A herhbau mi le inn ngeilo mi hna caah chumhciami rawl punghman in peknak.

FoodPantries le Soup Kitchens pawl cazin cu Indiana's Emergency Food Resource Network Website ah hmuh khawh an si: https://www.purdue.edu/indianasefrnetwork/ asiloah na pawngkam ah a ummi emergency eidin bawmhchanhnak pawl kawlnak bawmhnak caah 2-1-1 kha chawn.

Man Lo le Man Tlawmtermi Sianginn Rawl Program

Sianginn kai ṭhi ngakchia hna cu sianginn kai kum chung ah man loin asiloah man tlawmtermi sianginn rawl ei khawhnak nawl an ngei kho. Sianginn nih a pek mi cungah hngatchan in, mah ah hin thaithawh le chuncaw pahnih ning in aa tel kho. Ṭhal sianginn Khar chung ca thaithawh le chuncaw program kong theih chap na duh ahcun, kaa hin zoh: https://idoenutrition.com/.

Ahodah Man lo asiloah Man Tlawmtermi Sianginn Rawl ngah awk Caah Aa tlak?

Sifahnak tahfung i 130% asilole mahnak tlawm mi thlahlawh a hmu mi chungkhar i ngakchia hna cu man loin rawl ei khawhnak nawl an ngei. Sifahnak tahfung i 130% le 185% karlak a hmu mi hna cu man tlawm deuh in rawl ei khawhnak nawl an ngei, cu ah cun siangngakchia hna cu pia 40 (40 cents) nak tam lo lak khawh an si.

Zeitindah Sok Asi lai (Man lo asiloah Man Tlawmtermi Sianginn Rawl pawl):

Na fa sianginn lei nih soknak ca an in pek khawh. Chungkhar hna nih sianginn kai kum chung ah an hmuhmi thlahlawh asiloah an chungkhar minung zat aa thlen ahcun soknak ca asiloah chek ṭhannak cu zeitik caan paoh ah an hal khawh ti kha an hngalh awk a si.

Select language

Print page

Prokarem pawl le tuahto ning pawl cu atu le atu aa thleng. A hnubik thawngthanhmi na hman hrimhrim ding kha a biapi. Hi thil sining tialmi cu 2024 ah tharchuahmi a si. Zaangfahnak in https://www.inf2f.org/fact-sheets.html ah a hnubik tialmi kha chek. Ngandamnak lei Bawmhnak pawl le Riantuanpiaknak pawl Tawlrelnak (Health Resources and Services Administration, HRSA) sin in tangka bawmhnak hmangin a chumcheu bawmhmi a si.