First Steps
|
Indiana i First Steps System nih pumsa le thluak le ṭhanchonak tlainak a ngeimi asilole hmailei ah pumsa le thluak lei ṭhanchonak a tlaiter khomi damlonak a ngeimi nausem le ngakchia no tete a ngeimi chungkhar hna caah tuan tein rianṭuanpiaknak pawl a pek hna. Rianṭuanpiaknak hna cu tinco ding in aa tlakmi ngakchia hna kha tuan tein bawmhnak peknak pawl kha asi khawh chung tam in pek awkah tawlrel mi pawl an si. Hmasa Bik Lawmhnak Packet tling zoh awkah va zoh https://www.in.gov/fssa/ddars/bcds/first-steps-welcome-packet/
Ahodah First Steps Tuan tein Rianṭuanpiaknak (First Steps Early Intervention Services) caah Aa tlakmi a si?Kum 3 tang ngakchia cu an tthanchonak a tlai ahcun First Steps riantuannak caah aa tlak. Tthanchonak tlaihnak cu ngakchia pakhat nih tthanchonak hmun hnih (domain tiah auhmi) ah a tlangpi in 20% tlaihnak asiloah -1.5 tlukruannak a ngeih le ngeih lo asiloah tthanchonak hmun pakhat ah a tlangpi in 25% tlaihnak asiloah -2.0 tlukruannak a ngeih le ngeih lo tuaktannak in tah a si. Tthanchonak lei hna cu
Tlinnak kong he pehtlai in a dang theihhngalhnak cu hika ah hmuh khawh a si: https://www.in.gov/fssa/firststeps/parents/how-to-get-help/ Zeibantuk Rianṭuanpiaknak pawl dah a um?Indiana’s First Steps System hmangin ngakchia nih an hmuh khawhmi rianṭuanpiaknak hna cu:
First Steps Rianṭuanpiaknak pawl ThawknakAn fale tthanchonak kongah lungretheihnak a ngeimi nulepa nih an pawngkam First Steps System Point of Entry zung ah an chawnh khawh hna, an lungretheihnak kong an chimh khawh hna, cun an fale zohfelnak tuah dingin an hal khawh hna. Chungkhar, hawikom, riantuannak a petu, asiloah ngakchia sibawi telh in aho paoh nih ngakchia cu First Steps ah an kuat khawh. Laknak kalning zoh awkah https://www.in.gov/fssa/ddars/bcds/first-steps-offices/ ah va kal.
First Steps Rianṭuanpiaknak ManFederal lei nih ri a khiahmi nak zat asiloah 250% nak tam in thlahlawh a hmu mi chungkhar hna nih First Steps rianṭuanpiaknak pawl caah a man tlawmpal an pek a hau lai. Indiana i chungkhar hna nih rianṭuanpiaknak an hmuh mi pawl caah zeizat dah an pek lai ti biakhiahnak ah hmanmi program cu First Steps Man peknak ah Itelnak (First Steps Cost Participation) tiah auh asi. Chungkhar hna nih chungkhar chungtel pakhatkhat sii lei le pumpak zohkhenhnak he aa pehtlaimi caah hmanmi phaisa kha chungkhar nih hmuhmi thlahlawh le co-payment zat tuaknak ah ruahpiak chih dingin hal khawh asi. Cu bantuk hmannak ah cun ngandamnak insurance copayment le premium pawl, cun sii cawknak le siizung lei ah hmanmi pawl aa tel kho. First Steps rianṭuanpiaknak pawl tam deuh caah chungkhar hna nih co-payments pek an hau. Co-pay pek a haulo mi rianṭuanpiaknak pawl zpng tampi an um ve ṭhiam. Cu hna ah cun cheknak, Pumpak Chungkhar Rianṭuanpiaknak ca Timhtuahnak (IFSP) sernak, rianṭuanpiaknak lei tawlrelnak, le phunglam ning in tuahmi kilvennak hna an i tel.
Co-pay le rianṭuanpiaknak pawl kong he pehtlai in biahalnak na ngeih ahcun First Steps Thoknak (First Steps Intake) lei asiloah Rianṭuanpiaknak Tawlrelnak lei rianṭuantu nih an in leh khawh. Man i telnak kong he pehtlai in theihhngalhnak tam deuh cu https://www.in.gov/fssa/ddars/bcds/program-policies-and-updates/policies/ ah hmuh khawh a si |
print
|
Prokarem pawl le tuahto ning pawl cu atu le atu aa thleng. A hnubik thawngthanhmi na hman hrimhrim ding kha a biapi. Hi thil sining tialmi cu 2025 ah tharchuahmi a si. Zaangfahnak in https://www.inf2f.org/fact-sheets.html ah a hnubik tialmi kha chek. Ngandamnak lei Bawmhnak pawl le Riantuanpiaknak pawl Tawlrelnak (Health Resources and Services Administration, HRSA) sin in tangka bawmhnak hmangin a chumcheu bawmhmi a si.
