A hrampi Herhbaumi pawl

(Eidin, Inn, Hmanmi thilri pawl, Ngandamnak Zohkhenhnak, le A dangdang)

Tharchuahmi: May 2025

Indiana ah, chungkhar hna nih zatlang bawmhchanhnak cu Indiana 211 ah an hmuh khawh. Indiana 211 cu a hrampi herhbaumi thilri pawl asi mi: eidin, inn, hmanmi thilri pawl, ngandamnak zohkhenhnak lei rianṭuanpiaknak pawl, harnak caan ca bawmhchanhnak pawl, le tangka lei bawmhnak kong kha chungkhar hna nih an theihnak hnga pehtlaihnak tuahnak ah a bawmtu program asi. Chungkhar hna nih Indiana 211 i cawnpiaknak pekciami bawmhchanhnak pawl kawlpiaktu cu lam a phunphun in pehtlaihnak an tuah khawh:

Na phone ah 2-1-1 hmehnak thawng in Indiana 211 cu chawnh.
898-211 ah na zip code cu kuat.
Hi ka ah zoh: https://in211.communityos.org/

A tanglei ta hna hi chungkhar hna nih a hrampi in an herhbaumi thilri pawl an ngah khawhnak ding caah a ummi program le rianṭuanpiaknak cheukhat an si. Chungkhar tampi nih program pakhat nak tam sin in ṭhatnak an hmuh lai. Naa tlak khawh men mi program vialte caah soknak tuah dingin forhfial kan in duh.

Eidin Bawmhnak*

A hlei in Eidin Bawmhchanhnak Program (SNAP)- SNAP cu Indiana i Eidin Bawmhnak program (Food Stamp) asi. Thlahlawh tlawmte lawng a hmu mi chungkhar hna kha Electronic Benefits Transfer (EBT) card hmangin thazang caah a ṭhami eidin cawknak ah a bawmh hna. Thlahlawh hmuhmi lei rikhiahnak kong le zeitindah sok ding a si timi theih na duh ahcun, hi ka ah zoh: https://fssabenefits.in.gov/bp/#/eligibility/eligibility-snap
Nu, Nausem, le Ngakchia (WIC)- WIC cu eidin bawmhnak, eidin le ngandamnak zohfelnak lei chekhlainak, eidin kong cawnpiaknak le ruahnak cheuhnak, nauhnuk dinhnak lei bawmhnak, le zatlangbu sin ah thlahlawh tlawmte a hmumi le “rawl eidin lei ah a chanbau ding” asimi ngakchia (kum 0-5), nau a pawi liomi nu, nau ngei ka nulepa (nau ngeih hnu thla 6 tiang), le nauhnuk a dinh liomi nulepa (kum 1 hnu tiang) hna zatlang lei ah kuatnak a tuahmi eidin lei kong program asi. Thlahlawh hmuhmi lei rikhiahnak kong le zeitindah sok ding asi timi theih na duh ahcun, hi ka ah zoh: https://www.in.gov/health/wic/how-do-i-apply-for-wic/.
Man Lo le Man Tlawmtermi Sianginn Rawl Program- Sianginn rawl program hna cu tinco awk aa tlakmi sianginn kai ṭhi ngakchia hna caah man loin asiloah man tlawm tein sianginn rawl an hmuh khawhnak ding caah asi (thaithawh le/asiloah chuncaw aa tel kho). Soknak ding caah, na fa sianginn kha soknak ca hal hna. Zatlang bu cheukhat nih cun a dang bawmhnak zong an pek chap hna, cu hna cu BackPack Programs (zarhte zarhpi le sianginn khar caan pawl caah eidin aa telmi bag peknak) le ṭhal caan ca eidin peknak program (summer food program) hna an si.
A dang Zatlang lei Eidin Bawmhchanhnak pawl
- Food Pantries, Soup Kitchens, Community Centers le/asiloah Community Gardens and Orchards hna nih eidin le/asiloah timhciami eidin kha punghman in an pek khawh. Na zatlang bu ah a ummi program pawl kong tamdeuh theihnak ding caah Indiana 211 kha chawn asiloah hi ka ah zoh: https://www.purdue.edu/indianasefrnetwork/.
- A dang zatlang bu eidin peknak program pawl asimi: Purdue Cooperative Extension Services (https://www.purdue.edu/hhs/extension/food-0) nih tangka tlawmte in ngandamnak caah a ṭhami eidin pawl tuaktanning, cawkning, le timhtuahning lei fimchimhnak pawl kha an tuah. Eat, Gather, Grow timi program le a dang bawmhchanhnak pawl zong an ngei: https://eatgathergo.org/

*Hi eidin bawmhnak program pawl le a dang konglam tamdeuh theihnak ding caah kan catlap (fact sheets) “Eidin” le “WIC” (https://www.inf2f.org/fact-sheets.html) cu zoh.

I dornak le Inn

Indiana 211- Harnak a tongmi pumpak le chungkhar hna nih emergency i dornak caah, 2-1-1 kha chawnh ding. Indiana 211 nih: inn hlannak lei bawmhnak, cozah asilole bu lei nih bawmhnak in inn hlannak, inn remhnak, inn hlannak man bawmhnak voucher, le tangka bawmhnak program pawl kong thawngpang zong an pek khawh.
Inn le Khuapi Ṭhanchonak (HUD)- HUD nih aa tlakmi thlahlawh tlawm te a hmumi pumpak le chungkhar hna caah inn thimnak voucher ("Section 8" ti zong in auhmi) telh chih in a man fawi mi inn a pek hna. Thawngpang tamdeuh theihnak ding caah asilole bawmhchanhnak soknak ding caah, hi ka ah zoh: https://www.hud.gov/states/indiana asilole na pawngkam Mipi Inn hlannak Agency kha pehtlai hna: https://www.hud.gov/sites/dfiles/PIH/documents/PHA_Contact_Report_IN.pdf.
Inn kong Ruahnak peknak- HUD nih inn cawknak, inn hlannak, inn chuhnak hrialnak, credit kong buaibainak, tbk ah man loin asiloah man tlawm tein ruahnak peknak a kawlmi hna caah ruahnak a pek hna. Thawngpang tamdeuh in theihnak ding caah, HUD i phone in chawnh khawhnak system cu 1-800-569-4287 ah chawn.

Ti man le mei man tibantuk Bawmhnak

Mei man Bawmhnak Program (EAP) cu cozah nih bawmhnak a pekmi program asi i, aa tlakmi thlahlawh tawmte a hmumi chungkhar hna caah voikhat bawmhnak peknak asi, cun cu nih cun inn chung lumternak le mei man peknak ah a bawmh khawh hna. Thawngpang tamdeuh theihnak ding caah asiloah Thlahlawh a Tlawmmi Inn Mei man Bawmhnak Program soknak ding caah, hi ka ah zoh: https://www.in.gov/ihcda/homeowners-and-renters/low-income-home-energy-assistance-program-liheap/.

Ngandamnak lei Zohkhenhnak Rianṭuanpiaknak pawl*

Indiana 211- Ngandamnak lei zohkhenhnak hmuhnak ah bawmhnak na herh ahcun, Indiana 211 nih ngandamnak he aa pehtlaimi thil tampi ah an bawmh khawh, cu hna cu:
- Ngandamnak ca insurance thimnak pawl, damnak, eidin, zawtnak khamnak sii, tbk. kongah a hrampi theihternak pek.
- Pumpak le mi theihter lomi bawmhnak cun zu/rit hai sii tibantuk i piaknak caah thiamsang sin kuatnak.
- Bawmhnak program pawl: sii man peknak bawmhnak le sii lei i piahnak umkalnak bawmhnak tibantuk.
Indiana Family to Family (INF2F)- INF2F nih ngandamnak le fimcawnnak lei ah a hlei in herhbaunak a ngeimi ngakchia chungkhar hna caah nulepa le nulepa bawmhnak a pek hna.
- 1-866-323-4636 kha chawn asiloah: https://www.inf2f.org/ ah zoh.
Ngakchia le Chungkhar pawl bawmhnak (Covering Kids and Families - CKF)- CKF nih chungkhar pawl kha man fawi tein ngandamnak zohkhenhnak kawlnak, hmuh khawhnak le ngeih khawhnak ah a bawmh hna. ‪317-222-1850 kha chawn asiloah: https://www.ckfindiana.org/ ah zoh.

*Hi ngandamnak zohkhenhnak bawmhnak program pawl le a dangdang kong he pehtlai in theihhngalh chap na duh ahcun, kan Ngandamnak Zohkhenhnak Phaisa hmannak konglam cazin (fact sheets) kha zoh https://www.inf2f.org/fact-sheets.html.

*Hi ngandamnak zohkhenhnak bawmhnak program pawl le a dangdang kong he pehtlai in theihhngalh chap na duh ahcun, kan Ngandamnak Zohkhenhnak Phaisa hmannak konglam cazin (fact sheets) kha zoh https://www.inf2f.org/fact-sheets.html.

Mi vialte nih zalong tein le ṭihphannak um loin nunnak nawl ngeih an phu. Indiana 211 nih lungthin lei asiloah pumsa lei hremnak a tongmi asiloah ṭihnungmi nunnak dirhmun in chuah khawhnak ding caah bawmhnak a herhmi paoh kha man loin le mi theihter lo in bawmhnak a pek hna. Namnehnak, hremnak, zohkhenh lonak, asiloah tlaihhremnak tuahnak hmelchunhnak pawl hngalh khawhnak ah bawmhnak na herh ahcun; emergency dornak hmun asiloah a himmi inn kong thawngpang na herh ahcun; asiloah i vuaknak asiloah ṭihnungmi nunnak dirhmun in chuah khawhnak lam a petu program kong thawngpang na herh ahcun 2-1-1 kha chawn. Emergency a can ah cun 9-1-1 kha chawn.

Select language

Print page

Prokarem pawl le tuahto ning pawl cu atu le atu aa thleng. A hnubik thawngthanhmi na hman hrimhrim ding kha a biapi. Hi thil sining tialmi cu 2025 ah tharchuahmi a si. Zaangfahnak in https://www.inf2f.org/fact-sheets.html ah a hnubik tialmi kha chek. Ngandamnak lei Bawmhnak pawl le Riantuanpiaknak pawl Tawlrelnak (Health Resources and Services Administration, HRSA) sin in tangka bawmhnak hmangin a chumcheu bawmhmi a si.